E kush e mendonte se një faqe e thjeshtë interneti ku mund të ngarkoje video do të kthehej një ditë në një burim të ardhurash e madje edhe karrierë për disa të tjerë.
YouTube dhe proçesi i saj i monetizimit ndonjëherë mund të bëhen të bezdisshme nga reklamat e shumta, qoftë si pop-up por edhe më keq kur të ndërpresin videon në mes tamam si në TV.
Një redditor nën sub-in /r/webdev ka postuar një hile fare të thjeshtë për të bllokuar reklamat e YT. Ky marifet nuk kërkon të jesh një mjeshtër në kodim apo zhvillues webi.
Mjafton të shtosh një “.” në URL e videos dhe mjafton. Pasi ta kesh hapur videon, në kutinë sipër faqes ku shkruhet adresa e videos, pas “.com” shto një pikë dhe pjesa më e madhe ose të gjitha reklamat do të bllokohen.
Pra në vend të “https://www.youtube.com/watch?v=-AvGda-Lafw” shkruaj “https://www.youtube.com./watch?v=-AvGda-Lafw”
Këto ndryshime në URL mund të bëhen nga kompiuteri, për smartphonin do të duhet ta hapësh videon nga browseri i tij jo nga aplikacioni.
Pika bën që të mos ketë kombinim me host-in e për pasojë video transmetohet por kontenti tjetër si reklamat nuk arrijnë të lidhen.Dhe nuk bllokon vetëm reklamat, por edhe gjëra të tjera si cookies.
Ama përpara se të shkosh shohësh masivisht video pa reklama, kujtohu që shumë nga krijuesit e tu të dashur, punojnë dhe përfitojnë nga shikimi i atyre reklamave. Nëse do të vazhdosh të shohësh video nga YouTube-rët e tu të preferuar mbështetja e tillë është kyç.
