Instagrami po teston një shërbim të ri të quajtur “Ad Breaks” që ju detyrojnë të ndaloni dhe të shikoni një reklamë të paanashkalueshme për një periudhë kohe përpara se të vazhdoni të shikoni postime të tjera.
Disa përdorues të X dhe Reddit raportuan se kishin parë këtë shërbim dhe zëdhënësi i Instagramit Matthew Tye konfirmoi se ky shërbim i ri ka nisur të testohet. Tye tha se Instagram do të “sigurojë përditësime nëse ky test rezulton në ndonjë ndryshim formal të produktit“.
Një përdorues i Reddit e vuri re shërbimin në dy hapësira të ndryshme, në Stories dhe në feed-in kryesor. Pas një sasie të caktuar klikimesh, Instagram i pengoi ata të shkonin më tej derisa reklama të përfundonte. Siç tregohet në screenshot-et e mëposhtme, platforma shfaq një ikonë “Ad Break” me një numërim mbrapsht që tregon se sa kohë mund të filloni të shikoni postimet e personave që ndiqni.
Kur përdoruesi preku ikonën për më shumë informacion në lidhje me veçorinë, Instagram shfaqi një mesazh ku shkruhej: “Ndërprerjet e reklamave janë një mënyrë e re për të parë reklamat në Instagram. Ndonjëherë mund t’ju duhet të shikoni një reklamë përpara se të vazhdoni të shfletoni.”
Instagram tashmë shfaq postime dhe reklama të sponsorizuara midis përmbajtjeve nëpër të cilën po lëvizni, pavarësisht nëse është feed kryesor apo Reels. Por vendosja e reklamave të pashmangshme midis postimeve e çon këtë në një nivel tjetër – dhe duket mjaft shkatërruese.
“Ne jemi gjithmonë duke testuar formate që mund të sjellin vlerë për reklamuesit,” thotë Tye. Përveç Instagram-it, YouTube shfaq gjithashtu reklama të pa anashkalueshme para dhe gjatë videove.
