Instagram ka ofruar një shërbim që i lejon përdoruesit të krijojnë postime bashkëpunuese në platformë, por kësaj here ato mund të kontribuojnë direkt duke shtuar foto dhe video në postimet e miqve të tyre.
Sipas kreut të Instagram, Adam Mosseri, i cili e njoftoi këtë shërbim gjatë një transmetimi në platformë, funksioni i ri i ofron përdoruesve akses në butonin “Add to post” në këndin e poshtëm të majtë të postimit.
:format(webp)/cdn.vox-cdn.com/uploads/chorus_asset/file/25038758/instagram_collaborative_carousels.jpeg)
Pasi të aktivizohet, përdoruesit mund të prekin butonin për të ngarkuar fotot dhe videot e tyre të preferuara në postim. Megjithatë, llogaria origjinale që ka bërë postimin duhet t’i miratojë ato përpara se të shtohen. Tashmë Instagram ka rritur dhe limitin e fotografive apo videove të përfshira në një postim nga 10 në 20, duke e bërë kështu shumë më të lehtë shtimin e përmbajtjeve në këto postime.
Prej disa kohësh Instagram ofron mundësinë që përdoruesit të bashkëpunojnë me përdoruesit e tjerë në platformë. Nëse i shtoni ndjekësit tuaj si bashkëpunëtorë kur krijoni një postim, ata do të kenë një mundësi për ta shfaqur atë postim edhe në profilin e tyre.
