Shërbimi i komunikimit të Instagram sapo u përditësua me një listë të gjerë shërbimesh, duke përfshirë planifikimin e mesazheve që mund t’i përgatisësh më parë dhe të vendosësh për t’i dërguar në një datë të mëvonshme, deri në 29 ditë përpara. Një tjetër shërbim i rëndësishëm është ai “Pin DMs”. Nëpërmjet këtij shërbimi ju mund të vendosni deri në 3 biseda në krye të listës së mesazheve, pavarësisht kohës se kur keni komunikuar me këta miq.
Meta thotë se ndryshimet synojnë të ndihmojnë me komunikimin e njerëzve që jetojnë në zona të ndryshme kohore ose të ruajnë mesazhe të rëndësishme në krye të renditjes, ku gjërat mund të humbasin lehtësisht.
Disa shërbime të tjera specifike për DM-në hyrëse përfshijnë aftësinë për të ftuar miqtë në një bisedë në grup me një kod QR, plus përkthime mesazhesh me mbështetje për 99 gjuhë. Ju mund të përktheni çdo mesazh individual dhe ta shihni rezultatin sikur miku juaj ta kishte dërguar në gjuhën që ju flisni.
Një tjetër shtesë argëtuese është shpërndarja e muzikës brenda aplikacionit, e cila do t’ju lejojë ju dhe miqtë tuaj të dëgjoni të njëjtën këngë në të njëjtën kohë, ose t’i shpërndani ato pa përdorur links ose aplikacione të tjera përveç Instagram. Mund të përdorni veçorinë e kërkimit të muzikës në të njëjtën hapësirë ku gjendet stickers dhe GIF e animuar.
Të gjitha këto shërbime do të jenë të aksesueshme nga të gjithë përdoruesit në mbarë botën në vetëm pak ditë.
