Koncepti i metaverse sa vjen e perqafohet nga më shumë kompani. Kujtojmë këtu suksesin e Fortnite Party Royale. Një avatar i cili të përfaqëson në një platformë të caktuar duket se është zgjidhja ideale teksa praktikojmë distancim social.
Facebook sjell Avatarët e tij tashmë edhe në USA. Pak a shumë si Bitmoji, një version kukull i vetes tënde i krijuar nga vetë ti. Të cilin më pas mund ta shtosh në reagimet e mesazheve të çastit. E më pas mund të zgjedhësh nga lista e gjatë e emocioneve të cilat do të shtohen në librarinë tënde. Kështu në vend të selfies mund të dërgosh një avatar kur nuk i ke flokët mirë.
Modifikime të reja janë shtuar tashmë për tu përshtatur edhe me karantinën, nga stili i flokëve deri tek veshjet. Europa dhe Australia që i kanë përdorur edhe më parë tani do të kenë përditësime të reja.
Për të krijuar avatarin tënd nga aplikacioni i smartphonit mjafton të shtypësh butonin buzëqeshës anash kutisë së tekstit kur je duke shkruar një koment. Aty do të gjesh opsionin e krijimit të tij.
Në Messenger mund ta gjesh duke shtypur butonin e buzëqeshur pastaj atë të stickerit.
Mesa duket për momentin fuknsionon vetëm në aplikacionin mobile.
Por për fat nëse e krijon në mobile do ta kesh edhe në browser më pas.
