Meta së shpejti do të ofrojë Stories dhe Reels në rend kronologjik, për t’u përshtatur me Aktin Evropian të Shërbimeve Dixhitale (DSA), njoftoi kompania.
Ndryshimet priteshin të ndodhnin pasi Komisioni Evropian njoftoi se kishte arritur një marrëveshje në prill për të krijuar rregulla të reja që do të kërkonin që platformat si Facebook të ofrojnë sisteme alternative “jo të bazuara në profilim” si një kërkesë kryesore.
Meta tha se ka mobilizuar mbi 1000 njerëz për të “zhvilluar zgjidhje për kërkesat e DSA“. Disa nga ndryshimet do të rrisin transparencën për mënyrën se si funksionojnë sistemet dhe do t’u ofrojnë përdoruesve më shumë opsione për të përshtatur përvojat e tyre në Facebook dhe Instagram.
Në të njëjtën kohë, është duke u krijuar një “funksion i pavarur i pajtueshmërisë” për të siguruar përmbushjen e detyrimeve të vazhdueshme rregullatore.
“Për shembull, në Facebook dhe Instagram, përdoruesit do të kenë mundësinë të shikojnë Stories dhe Reels vetëm nga njerëzit që ndjekin, të renditur sipas rendit kronologjik, nga më të rejat tek më të vjetrat”, shkroi Presidenti i Meta për Çështjet Globale, Nick Clegg.
Nuk është e qartë se si Meta do ta zbatojë ndryshimin. Feed-i kryesor në Instagram tashmë i lejon përdoruesit të renditin sipas Following në vend që të përdorin qasjen e bazuar në algoritme. Sidoqoftë, veçoria “Following” mund të aksesohet si një faqe dytësore në Instagram dhe aplikacioni gjithmonë paracakton opsionin algoritmik “For you” kur hapet për herë të parë.
