Elon Musk ka ofruar të përfundojë blerjen e propozuar prej $44 miliardë të Twitter pas një ndryshimi dramatik të mendimit për të hequr dorë nga kjo marrëveshje,
Avokatët e Musk konfirmuan gjatë një senace gjyqësore ditën e martë se personi më i pasur në botë është përgatitur të vazhdojë me këtë transaksion mbi marrëveshjen e arritur disa muaj më parë.
“Ne ju shkruajmë për t’ju njoftuar se Musk ka si qëllim të vazhdojë drejt me mbylljen e kësaj marrëveshje,” lexohet në deklaratën e avokatëve të Musk në gjykatë. Twitter u përgjigj menjëherë duke thënë: “Qëllimi i kompanisë është që transaksioni të përfundojë në çmimin $54.20 për aksion,” duke treguar se ato janë shumë të gatshëm të përfundojnë këtë “serial” me shumë ngjarje.
The Wall Street Journal raportoi ditën e martë se Musk i tregoi avokatëve për këtë propozim gjatë orëve të para të mëngjesit ditën e hënë dhe avokatët u detyruan të shkruajnë një letër ku kërkonin zhvillimin e një seance urgjente.
Buying Twitter is an accelerant to creating X, the everything app
— Elon Musk (@elonmusk) October 4, 2022
Musk publikoi një tweet ditën e martë ku tregonte se blerja e Twitter do të shërbente si një përshpejtues i krijimit të “X, aplikacionit të gjithçkasë”, duke përshpejtuar këtë qëllim me 5 vite. Duhet të kujtojmë se kjo betejë gjyqsore u nis nga ana e Musk i cili dyshonte mbi numrin e përdoruësve ditor aktiv në Twitter.
