Disney ka vendosur të ndalojë shpërndarjen e fjalëkalimeve në shërbimet e saj të transmetimit, duke ndjekur hapat e konkurrentit Netflix. Në një email drejtuar abonentëve të Hulu të mërkurën, kompania tha se do të fillojë “të shtojë kufizime për përdorimin e llogarisë tuaj jashtë familjes suaj” duke filluar nga 14 marsi.
Përdoruesit e Hulu, së bashku me ato të Disney+ dhe ESPN+, duhet të pranojnë kushtin që “i ndalon përdoruesit që të imitojnë dikë tjetër duke përdorur emrin e përdoruesit ose fjalëkalimin e tyre”.
Në kushtet e përdorimit të platformës tregohet se kompania mund të analizojë llogaritë e përdoruesve për t’u siguruar që ata janë në përputhje me rregullat e shpërndarjes së fjalëkalimeve. Shkelësit e kushteve mund t’u kufizohen ose mbyllen llogaritë e tyre, sipas marrëveshjeve të përdoruesve.
Lëvizja u la të kuptohet nga CEO i Disney, Bob Iger në gusht, i cili tha se kompania po planifikonte të adresonte çështjen e ndarjes së fjalëkalimeve në vitin 2024. “Ne sigurisht e kemi vendosur këtë si një prioritet të vërtetë,” tha Iger në analizimin e tremujorit të tretë të Disney. “Ne në fakt mendojmë se kjo është një mundësi për të na ndihmuar të rrisim biznesin tonë.”
Iger pritet të flasë sërish në mbledhjen ku do të analizohet situata ekonomike e tremujorit të parë të Disney më 7 shkurt, duke hedhur potencialisht më shumë dritë mbi planet e Disney për t’iu adresuar personave që ndajnë adresën e tyre me miq të tjerë.
Me sa duket Disney u inspirua nga aksioni i suksesshëm i Netflix që ndaloi shpërndarjen e fjalëkalimeve, një luftë që çoi në rritjen e numrit të abonentëve të rinj. Javën e kaluar, Netflix njoftoi se kishte një numër rekord të të abonuarve që nga tremujori i katërt.
