Rezervimi i shezllonave? Tani bëhet online.
Beach Master është një aplikacion i zhvilluar nga një skuadër programuesish shqiptarë që i jep zgjidhje një problemi të përhershëm në plazhet tona: menaxhimi i shezllonave. Tani, pushuesit mund të rezervojnë shezllonin online, ndërsa bizneset menaxhojnë në kohë reale, rezervimet, porositë nga ҫadra, përmes një platforme të vetme.
Në sezonin e verës, sidomos gjatë pikut, menaxhimi i shezllonave ishte një sfidë më vete. Rezervimet bëheshin me laps e letër, me skema të vizatuara në fletore dhe të dhëna të mbledhura manualisht. Shpesh ndodhte që rezervimet të ngatërroheshin, klientët të mos gjenin vendin e tyre, ose pagesat të mos regjistroheshin saktë – një kosto e panevojshme për biznesin dhe një stres për pushuesit.
Ҫfarë ka ndryshuar?
Beach Master e kthen gjithë këtë proces në një eksperiencë të digjitalizuar. Bizneset krijojnë hartën e shezllonave sipas pozicionit real në plazh, ndërsa pushuesit zgjedhin plazhin, kontrollojnë disponibilitetin dhe rezervojnë shezllonin nga telefoni, tableti apo kompjuteri. Pagesat bëhen direkt online dhe konfirmohen menjëherë. E gjithë përvoja bëhet më transparente, më e thjeshtë dhe pa stres, për të dyja palët.
Pushuesit, vendas dhe të huaj, mund të eksplorojnë plazhet në gjithë Shqipërinë, të njihen me shërbimet dhe aktivitetet që ofron secili plazh dhe të organizojnë paraprakisht ditët e tyre. Gjithçka bëhet online, pa radhë, pa pasiguri, dhe me mundësinë për të zgjedhur vendin që i përshtatet më shumë. Së shpejti, aplikacioni do të përditësohet edhe me funksione të reja, si rezervimi i tavolinave në beach bare apo restorante, dhe prenotimi i aktiviteteve si evente apo sporte ujore.
Si përfitojnë bizneset?
Për bizneset, kjo është një mundësi për të pasur kontroll të plotë mbi rezervimet. Për të shmangur gabimet dhe konfuzionin që vjen nga menaxhimi manual. Për të pasur një pasqyrë më të qartë të pagesave dhe për të rritur numrin e klientëve të kënaqur. Më pak punë manuale, më shumë efikasitet dhe organizim.
Po ta mendosh, kjo është një zgjidhje shumë e zgjuar dhe e vlefshme për çdo biznes që operon në bregdet. Beach Master, përveçse ndihmon teknikisht në menaxhimin e rezervimeve dhe pagesave, bëhet edhe një promotor për këto biznese. Përmes listimit në aplikacion, informacionit të detajuar për secilin vend dhe publikimeve në rrjetet sociale, plazhet dhe shërbimet lokale fitojnë më shumë vizibilitet dhe një audience më të gjerë, sidomos të huaj.
Si çdo produkt teknologjik, edhe Beach Master ka një fazë natyrale pranimi, por në një moment kur kjo sfidë është evidente dhe zgjidhja ekziston, zgjedhja më e zgjuar është ta përqafojmë.
Rehat në plazh me Beach Master.
Shkarko aplikacionin në App Store ose Google Play
