Ditën e djeshme Apple shpërndau disa informacione të reja mbi bizneset e abonimit dhe App Store, duke treguar se kompania deri më sot i ka paguar zhvilluesve të aplikacioneve $320 miliardë që nga viti 2008 – një numër që reflekton fitimet që aplikacionet kanë gjeneruar, duke hequr këtu komisionin e Apple.
Gjithashtu, kompania tregoi se ka më tepër se 900 milionë persona të abonuar në shërbimet e Apple, nga ku abonimet në App Store përbëjnë pjesën kryesore të kësaj shifre.
Në 2022 App Store u përball me sfidën më të madhe që nga krijimi i saj, për shkak të betejave gjyqësore të cilat tentuan të limitojnë fuqinë e saj në treg. Përflitet se Departamenti i Drejtësisë në SHBA ka nisur hapat e para të zhvillimit të një padie për pengimin e konkurencës kundër Apple.
Gjatë këtij viti kompania duhet të bënte dhe ndryshime në vende të ndryshme të botës për sa i përket App Store. Në Hollandë, Apple duhej të pajtohej me një urdhër antitrust që lejonte aplikacionet dating të përdornin sisteme të palëve të 3-ta për pagesat. Ndërkohë, në disa vende evropiane kanë nisur kërkimet mbi shërbimin App Tracking Transaprency për probleme të pengimit të konkurencës.
Mirëpo pavarësisht këtyre sfidave, biznesi App Store i Apple vazhdon të zgjerohet. Kompania tregoi se në aplikacion kishte më tepër se 650 milionë vizitorë javorë nga 175 vende të ndryshme.
Nëse klikoni këtu mund të shikoni listën e aplikacioneve më të mira për 2022 në App Store.
