Raportimet e fundit tregojnë se Samsung po bën disa ndryshime në mënyrën se si shpërndan update-et e software-it në zona të ndryshme të Evropës. Këto ndryshime kanë si qëllim përmirësimin e kohës që nevojitet për të bërë këtë shpërndarje, duke e bërë update-in e ri lehtësisht të aksesueshëm.
Aktualisht Samsung ofron deri në 3 OS upgrades dhe 4 vite security updates për shumicën e smartphone-ve të saj. Kjo anë është shumë pozitive, megjithatë problemi qëndron në faktin se update-t e reja publikohen në data të ndryshme për shtete të ndryshme. Kjo gjë bëhet për të parandaluar që një version me probleme të prekë shumë persona në mbarë botën.
Megjithatë për të përmirësuar këtë situatë, Samsung ka vendosur që të bëjë një ndarje më të vogël regjionale në disa modele në zonën Evropiane. Galaxy Club raporton se varianti 4G i Galaxy A52 u lançua me më pak ndarje regjionale në krahasim me smartphone-t e tjerë të kompanisë.
Galaxy Z Fold 3 dhe Flip 3 ndoqën të njejtin trend, dhe falë këtij ndryshimi këto pajisje do të marrin update-et më shpejt se më parë. Galaxy Club tregoi në raportimin e saj se linja e re e smartphone-ve që do të publikohen në 2022, si Galaxy A13, A33, A53 dhe seria Galaxy S22 pritet të ndjekin të njejtën strategji.
