January 29, 2022

Këto leaks na sjellin një pamje më të mirë të asaj që mund të jetë linja e re e Samsung Galaxy S22

Këto leaks na sjellin një pamje më të mirë të asaj që mund të jetë linja e re e Samsung Galaxy S22

Një video e publikuar nga Unbox Therapy (tashmë është fshirë) tregon pamjen e 3 pajisjeve të reja (jo funksionale) që besohet t’i përkasin serisë së re nga Samsung, S22. Kjo nuk është hera e parë që këto pajisje janë bërë leak online, pasi më parë OnLeaks ka publikuar disa fotografi të ngjashme gjatë muajit të fundit.

Siç shihet dhe nga pamjet, linja Galaxy S22 pritet të përbëhet nga Samsung Galaxy S22 i rregullt, S22 Plus dhe S22 Ultra (dhe pse këto mund të mos jenë emrat final). S22 Plus dhe S22 duket të kenë ruajtur të njejtin dizajn nga viti i kaluar, me kamerat e vendosura në cepin e pajisjes

 

 

S22 i rregullt pritet të ketë një ekran kompakt 6,1 inç, ndërkohë që S22 Plus do të ketë nëj ekran me madhësi 6,55 inç. Raportimet e mëparshme tregojnë se të dy këto smartphone do të kenë një kamera kryesore 50MP të shoqëruar nga kamerat ultrawide dhe telephoto.

Nga ana tjetër S22 Ultra duket të ketë një dizajn tepër të inspiruar nga seria Note, me kënde jo të rrumbullakosura dhe një vend të posaçëm për S Pen. Gjithashtu në pjesën e pasme ishulli i kamerave do të zhduket, dhe do të jenë të dukshme vetëm lentet e kamerës kryesore 108MP, asaj ultrawide 12MP, telephoto 3X 10MP dhe kamerës periscope 10X 10MP.

 

 

Në sensorin kryesor do të përdoret një xham i ri i quajtur “Super Clear Glass”, i cili do të bëjë të mundur heqjen e pikave të reflektimit kur ju xhironi një video gjatë natës.

Samsung do të prezantojë gjithashtu nëj karikuese 45W për S22 Ultra, e cila do të rrisë shpejtësinë e karikimit nga 25W që gjendet aktualisht në S21 Ultra. Të gjitha këto të dhëna do të verifikohen shumë shpejt me publikimin zyrtar të kësaj serie.

 

Friday, 07 January 2022 09:48

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
info@geekroom.al, marketing@geekroom.al

Editorial Staff:
Brenton Bënja
Bekim Haveriku 
Xhonald Mamo
Kristian Hodo
Klementina Mema

 

 

Geek Room © 2019