Kompania gjigande e teknologjisë, Tencent ka filluar të rrisë përdorimin e njohjes së fytyrës në platformat e saja gaming në mënyrë që të parandalojë fëmijët nën 18 vjeç në Kinë që të tejkalojnë orarin prej 14 orësh luajtje video lojrash gjatë javës.
Tencent Games publikoi një postim në rrjetin social WeChat ku tregon se fëmijët e shkollës fillore mund të logohen në platformë vetëm në 14 ditë të përzgjedhura për një orë. Këto data shtrihen nga 17 janari deri në 15 shkurt, kur nxënësit kinezë janë me pushime dimërore.
“Ne po ndërmarrim hapa të tjera në mënyrë që minorenët të kuptojnë akoma dhe më mirë se sa kohë duhet të shpenzojnë duke luajtur video lojra gjatë pushimeve të dimrit!” shkruhet në postim.
Jo të gjithë përdoruesit e Tencent janë të detyruar të logohen përmes njohjes së fytyrës. Mirëpo kompania shkruajti se në të gjithë adresat që menaxhohen nga minorenë, platforma do të bëjë një skanim fytyre të përdoruesit çdo herë që ai regjistrohet ose blen kredite brenda lojës.
Tencent tregoi gjithastu se nëse një adresë është aktive në disa pajisje të ndryshme në të njejtën kohë, platforma do të bëjë skanimin e fytyrës për të siguruar se po përdoret nga përdoruesi i vërtetë. “Nëse ju jeni një vëlla i madh kujdes! Ka rreziqe në lejimin e një minoreni të aksesojë adresën tuaj.” lexohet në postim.
Rregullat kineze kërkojnë që lojtarët të verifikojnë identitetin e tyre para se të krijojnë një adresë në lojra. Gjatë gushtit Kina prezantoi limite kohore për fëmijët që luajnë lojra.
