Drejtuesi i Instagram, Adam Mosseri tregoi përmes një videoje të shpërndarë në Twitter se kompania ka filluar testimin e dy shërbimeve të reja në feed, duke përfshirë këtu dhe opsionin e shumëkërkuar të renditjes kronologjike.
Në menunë e re në faqjen kryesore ju do të mund të zgjidhni midis “Home”, një opsion që shfaq fillimisht postimet sipas interesit tonë të renditura nga algoritmi i platformës, “Favorites” dhe “Following”. Feed-i në “Favorites” do të jetë i mbushur me përbajtje të publikuara nga disa adresa të cilat do t’i zgjidhni ju (Mosseri e përdor këtë opsion për familjarët e tij, disa krijues të caktuar dhe miqtë). Më pas nëse ju përzgjidhni opsionin “Following”, në feed-in tuaj postimet do të shfaqen ashtu siç shfaqeshin që në fillimet e aplikacionit, sipas një renditje kronologjike.
Me sa duket Mosseri e mbajti premtimin e bërë gjatë seancës dëgjimore të mbajtur nga nënkomisioni i senatit në SHBA në dhjetor.
We’re starting to test the ability to switch between three different views on your home screen (two of which would give you the option to see posts in chronological order):
– Home
– Favorites
– FollowingWe hope to launch these soon. More to come. ✌? pic.twitter.com/9zvB85aPSp
— Adam Mosseri (@mosseri) January 5, 2022
Renditja e bërë nga algoritmi i Instagram në bazë të preferencave të përdoruesve u kritikua që nga prezantimi i saj në 2016. Përdoruesit po ankoheshin se prej shumë kohësh ato nuk po shihnin postimet nga adresat që ndiqnin, madje kishin filluar të shfaqeshin postime të vjetra në krye të feed-it të tyre.
Disa persona e vunë re menjëherë këtë ndryshim në aplikacion, megjithatë nuk është ende e ditur se kur ky shërbim do të jetë i aksesueshëm për të gjithë përdoruesit.
