Sipas një studimi të kryer nga Indeed, 93% e punonjësve në fushën e teknologjisë citojnë pagesën si një nga faktorët kryesorë në zgjedhjen e një pune të re. Shpesh herë, në një fushë që është vazhdimisht në ndryshim e sipër, punonjësit duhet të paguajnë nga xhepat e tyre për të përfituar disa aftësi të reja dhe për të qendruar të update-uar me të rejat e fundit.
Më poshtë ne do të listojmë disa nga punët më të paguara në fushën e teknologjisë për vitin 2021:
Cloud Engineer / Architect
Ky pozicion ka qenë i kërkuar që para fillimit të pandemisë, por tashmë kërkesa është rritur shumë. Sigurisht e gjithë kjo kërkesë bën që pagesat për këtë pozicion të jenë të mira, të cilat variojnë nga $105,565 dhe $107.309 në vit respektivisht.
Mobile App Developer
Në vitin 2020 shkarkimet e aplikacioneve për mobile kapën vlerën 218 miliardë dhe dyqanet e aplikacioneve shpenzuan $143 miliardë në të gjithë botën. Për këtë arsye pozicioni për Mobile App Developer është një ndër punët me më shumë potencial, që ka një rritje të projektuar prej 26% përgjatë dekadës së ardhshme, dhe një pagesë mesatare prej $135,750 në vit.
Data Engineer
Data engineers / Architects kanë aftësi të ngjashme, por i përdorin njohuritë e tyre në mënyra të ndryshme. Me kërkesën që e tejkalon shumë herë ofertën, këta persona ishin ndër më të paguarit, me një rrogë mesatare prej $166,500 në vit.
A e di se edhe në Shqipëri mund të punosh në shumë fusha të teknologjisë?
Deloitte Digital po ofron pafund mundësi për çdo stad eksperience. Kliko mbi baner për më shumë info.
Database Manager
Me gjithnjë e më shumë të dhëna që grumbullohen dhe kontrollohen për informacione të vlefshme, kërkesa për Database Managers është e lartë. Të ashtuquajturit “mbajtësit e njohurive të kompanisë” kanë një pagesë mesatare prej $137,500 në vit.
Senior Web Developer
Shumica e profesionistëve në këtë pozicion janë autodidakt. Kështu që nëse ju keni vullnet mjaftueshëm dhe punoni fort mund t’ia dilni të punoni si një Senior Web Developer dhe të përfitoni nga pagesa shumë e kënaqshme prej $124,750 në vit.
Director of IT
Shumë nga organizatat e mëdha kanë të paktën një drejtor IT, ndërkohë që kompanitë gjigande kanë më shumë se një. Nevoja universale për talente bën që pozicioni i drejtorit të IT të jetë i aritshëm për supervizorët që dëshirojnë të ngjisin shkallët dhe të përfitonë një pagesë mesatare prej $129,335 në vit.
