CEO i Qualcomm, Cristiano Amon tha se kompania po punon me Samsung dhe Google për të eksploruar tregun e syzeve inteligjente me realitet të përzier të lidhur me një smartphone – duke marrë një qasje të ndryshme nga Apple, e cila lançoi një headset më të madh.
Vitin e kaluar, Google, Samsung dhe Qualcomm arritën një partneritet për të zhvilluar teknologjinë e realitetit të përzier. Kjo i referohet kombinimit të realitetit të shtuar dhe atij virtual, që shpesh përfshin imazhe dixhitale që mbivendosen në botën reale para jush. Komentet e Amon janë ndër të parat që hedhin dritë mbi projektin.
“Do të jetë një produkt i ri, do të jenë përvoja të reja,” tha Amon, duke diskutuar se çfarë do të vijë nga partneriteti i realitetit të përzier. “Por ajo që unë me të vërtetë pres të dalë nga ky partneritet, dua që të gjithë ata që kanë një telefon të marrin syze inteligjente shoqëruese“, shtoi Amon. CEO iu referua syzeve inteligjente Ray-Ban të Meta, të cilat duken si syze të rregullta, por janë të lidhura me valë me një smartphone dhe kanë një kamerë të integruar. Për më tepër, ata kanë një asistent zanor të mundësuar nga modeli i inteligjencës artificiale Llama të Metës.
Qualcomm gjithashtu e ka bërë realitetin e përzier një fushë target kryesore, pasi e dallon biznesin e saj përtej telefonave inteligjentë. Kompania ka një çip të quajtur Snapdragon AR2 Gen 1, i projektuar për syze inteligjente. Qualcomm ka mbrojtur faktin se çipat e tij të ndryshëm nëpër smartfonë dhe PC lejojnë që aplikacionet e AI të ekzekutohen në pajisje, në vend që të përpunohen në cloud përmes internetit.
Momentalisht kërkesat e tregut janë ende të pakta për realitetin virtuale dhe të shtuar në krahasim me smartfonët. Korporata Ndërkombëtare e të Dhënave pret që 9.7 milionë headset VR dhe AR të shiten këtë vit – dukshëm më e ulët se parashikimi prej 1.23 miliardë smartfonë.
Detajet rreth projektit që përfshin tre lojtarët janë ende të pakta. Në një intervistë, TM Roh, kreu i divizionit celular të Samsung, tha se kompania do të shpallte një “platformë të re të realitetit të përzier” brenda vitit.
