iOS 15.2 i Apple sapo është prezantuar me shumë shërbime të reja dhe zgjidhje për problemet e mëparshme pas një periudhe të gjatë në beta. Në këtë update përfshihen:
- Digital Legacy Program, i cili ju lejon të përzgjidhni se kush nga familjarët apo miqtë e tuaj mund të ketë akses në të dhënat tuaja pasi ju të ndërroni jetë.
- App Privacy Report, i cili tregon se çfarë lejesh programet e tuaja përdorin dhe me cilat website janë të lidhur.
- Plani $4.99 i Apple për Apple Music vetëm me zë.
- Një zgjidhje për gjendjen konfuze ku ndodhet modaliteti macro në iPhone 13.
Ky update sjell gjithashtu dhe disa shërbime të sigurisë në komunikim, ku njëri prej tyre do të bëjë të paqarta mesazhet e dërguara në iMessages ndaj fëmijëve nëse ato kanë përmbajtje eksplicite. Ky shërbim është pjesë e programit tepër të diskutuar të Apple që mundohet të luftojë shpërndarjen e materialeve me përmbajtje abuzimi seksual të fëmijëve.
Në këtë update përfshihet dhe shërbimi i ri Service History, i cili mund të tregojë se cilat pjesë të iPhone-it tuaj janë ndërruar dhe nëse gjatë këtij ndërrimi janë përdorur produkte origjinale të Apple. Kompania thotë se iPhone XR, XS dhe gjenerata e dytë e iPhone SE do të tregojnë nëse bateria e smartphone-it tënd është ndërruar, ndërkohë që iPhone 11 dhe modelet më të reja do të tregojnë nëse ekrani juaj është zëvëndësuar.
iPhone 12 dhe 13 do të tregojnë informacione dhe rreth ndërrimeve të kameras.
