Shpesh herë kur doni të shpërndani një meme të thjeshtë me miqtë tuaj, mjafton një screenshot normal për ta ruajtur atë. Mirëpo në disa situata të caktuara, na duhet të ruajmë një informacion më të madh se hapësira e ekranit tonë, pra mendojmë të bëjmë disa screenshots të ndryshëm për të ruajtur këtë informacion.
Sot në Geek Room ne do t’ju tregojmë se si të gjithë këtë informacion të gjatë ta përfshijmë në një screenshot të vetëm në iOS dhe Android.
iOS
Një screenshot normal në iOS mund të regjistrohet duke klikuar volumin lart + butonin e ndezjes në pajisjet me Face ID, ndërsa në pajisjet me Touch ID nëpërmjet butonit të ndezjes + Home button. Megjithatë, për të regjistruar një “scrolling screenshot” ju duhet të shtypni thumbnail që shfaqet në cepin e majtë të ekranit.
Pasi imazhi të zmadhohet, zgjidhni opsionin Full Screen, pastaj Crop dhe përcaktoni të gjithë informacionin që dëshironi të përfshini në screenshot-in tuaj. Në fund, shtypni Done.
Android
Në smartphone të ndryshëm Android aftësia për të bërë një “scrolling screenshot” arrihet në forma të ndryshme.
Për shembull, në një smartphone Samsung, pasi të keni kapur një screenshot duke shtypur butonin e poshtëm të volumit dhe atë të ndezjes njëkohësisht, do t’ju shfaqen dy shigjeta të vogla me drejtim për poshtë (në rastet kur po shikoni një përmbajtje që tejkalon madhësinë e ekranit tuaj).
Duke prekur dhe mbajtur shtypur këto shigjeta, screenshot-i juaj do të sgjerohet edhe më poshtë deri në momentin kur ju ta ndërprisni atë ose të arrini në fund të webpage.
Në një smartphone Pixel pasi kapni një screenshot, do të shfaqet një buton i ri “capture more”. Mjafton të prekni këtë buton për të zgjeruar screenshot-in tuaj.
