Miliarderi japonez Yusaku Maezawa është nisur drejt International Space Station ditën e sotme për të përjetuar një eksperiencë të cilën do ta ndajë me 750,000 të abonuarit në kanalin e tij në YouTube.
Ai u nis nga kozmodromi Baikonur në Kazakistan i shoqëruar nga asistenti i tij dhe producenti Yozo Hirano. Ky ekip do të qëndrojë 12 ditën në stacionin hapësinor dhe do të mundohen t’i përgjigjen pyetjeve të ndryshme si “çfarë ndodh nëse ju luani Pokemon Go në hapësirë?” apo “a lëvizni para nëse ju lëshoni gazra në hapësirë?”.
Maezawa dhe Hurano kanë kaluar muajt e fundit duke u trajnuar në Star City, ku janë trajnuar dhe gjeneratat e mëparshme të kozmonautëve sovietikë dhe rusë. Ata kanë mësuar protokollet në rastet e emergjencave dhe se si duhet të sillen në zonat pa gravitet. “Karrigia rrotulluese është një torutrë e vërtetë. Ky është trajnimi më i vështirë që kam bërë ndonjëherë.” tha Maezawa përmes një tweet-i.
Vlera e këtij udhëtimi nuk është bërë e ditur, por klientët e mëparshëm raportohet se kanë paguar $20 deri në $40 milionë për të fluturuar drejt ISS. Megjithatë kjo shifër nuk përbën aspak problem për pasurinë $1.9 miliardë të Maezawa.
Miliarderi ka kërkuar prej fansave të tij ide të ndryshme për t’i realizuar gjatë kohës që do të jetë në hapësirë, nuk ka rëndësi nëse ato janë të çuditshme apo serioze.
