Adam Mosseri, CEO i Instagram, tregoi përmes një postimi në blog se platforma ka vendosur të prezantojë shërbimet e reja të kontrollit prindëror duke filluar nga muaji mars i vitit të ardhshëm. Këto shërbime do të lejojnë prindërit të kontrollojnë se sa kohë fëmijët e tyre shpenzojnë në aplikacion, të vendosin limite kohore dhe të njoftohen sa herë fëmijët raportojnë një përdorues në platformë.
Shërbimet e reja vijnë në një kohë kur mbi rrjetin social nën pronësinë e Meta rëndojnë akuzat se Instagram ishte në dijeni se po dëmtonte shëndetin mendor të të rinjve, kryesisht për përdorueset femra. Gjatë kësaj jave Mosseri pritet të dëshmojë para komitetit të Senatit, ku do të pyetet rreth impaktit të Instagram mbi përdoruesit e rinj në moshë.
Bashkë me kontrollin prindëror, Instagram tregon se do të zhvillojë një “qendër arsimore” për prindërit duke i ofruar atyre tutorial rreth përdorimit të rrjeteve sociale.
New Safety and Well-being Features ??
Excited to announce these new tools to help our community feel even more supported while on Instagram:
– Take a Break
– Parental Controls
– Your ActivityCheck out our new blog post to learn more ??https://t.co/lxcknnQNf1 pic.twitter.com/QLdlFD8VT3
— Adam Mosseri (@mosseri) December 7, 2021
Në të ardhmen e afërt, Instagram do të prezantojë dhe shërbimin “Take a Break”, i cili filloi të testohej muajin e kaluar. Ky njoftim do të shfaqet nëse ju përdorni aplikacionin për një kohë të caktuar si 10, 20 apo 30 minuta.
Dhe pse postimi i Instagram përmban në të citime nga ekspertë dhe partnerë kërkimor që suportojnë platformën, Mosserit do t’i duhet të punojë akoma më shumë nëse dëshiron të fitojë besimin e ligjvënësve.
