Gjykata Federale Amerikane gjatë ditës së enjte dha vendimin në lidhje me betejën gjyqësore të nisur nga kompania e turizmit hapësinor e Jeff Bezos, Blue Origin.
Gjatë muajit prill NASA përzgjodhi SpaceX si kompaninë që do të realizonte programin Human Landing System, pasi ato bënë “një ofertë që NASA nuk mund ta refuzonte”, duke lënë jashtë Blue Origin dhe Dynetics. Blue Origin e kundërshtoi menjëherë këtë vendim dhe iu drejtua gjykatës për zgjidhjen e kësaj çështjeje, mirëpo kjo nuk ka sjellë rezultatin e pritur nga Jeff Bezos.
Gjyqtari Richard Hertling mbështeti vendimin e marë nga NASA duke i dhënë tashmë fund pritjes për nisjen e fazës përgatitore nga SpaceX. “Në të ardhmen do të ofrohen gjithnjë e më shumë mundësi për kompanitë që të bëhen partnerë të NASA nën programin Artemis të agjensisë.” Tha NASA në një deklaratë për shtyp.
Not the decision we wanted, but we respect the court’s judgment, and wish full success for NASA and SpaceX on the contract. pic.twitter.com/BeXc4A8YaW
— Jeff Bezos (@JeffBezos) November 4, 2021
Përmes Twitter-it Jeff Bezos u shpreh: “Nuk ishte ky rezultati që dëshironim, por ne respektojmë vendimin e gjykatës dhe i urojmë suksese NASA dhe SpaceX.” Kjo deklaratë nga Jeff Bezos na bën të mendojmë se ai është tërhequr nga kjo betejë gjyqësore dhe nuk do ta apelojë këtë vendim.
Nga ana tjetër Musk iu përgjigj një tweet-i të Michael Sheetz duke përdoru një fotografi nga filmi “Dredd” i 2012.
— Elon Musk (@elonmusk) November 4, 2021
