Një fan page e Elon Musk me 153,000 followers në Facebook është verifikuar si një faqje zyrtare që përfaqëson “Technoking-un e Tesla”, në shkelje të rregullave të platformës.
Për të qenë tërësisht të qartë duhet të shpjegojmë se kjo fan page nuk po përpiqet të sillet si Elon Musk, pasi tregon qartësisht se është një faqje e hapur nga fansat në seksionin About. Në këtë adresë janë publikuar vetëm 10 postime, ku më e hershmja është nga data 21 tetor.
/cdn.vox-cdn.com/uploads/chorus_image/image/70075820/Screen_Shot_2021_11_01_at_11.10.57_AM.0.png)
Njëra prej tyre është një foto e Musk, një tjetër është një njoftim se fotoja e profilit u rifreskua, ndërkohë që postimet e tjera duket të jetë një rishpërndarje e postimeve të Musk në Twitter.
Fillimisht kjo faqje nuk ishte regjistruar si një fan page e Elon. Tabela Page Transparency tregon historinë e kësaj faqjeje, e cila është krijuar në datën 28 korrik 2019 nga “Kizito Gavin”.
Që nga ajo kohë faqja e ka ndërruar emrin 6 herë, të gjitha në 2021, ku emërtimi i fundit ngeli Elon Musk në 17 tetor.
Verifikimi ka qenë dhe vazhdon të mbetet një sfidë e madhe për rrjetet e mëdha sociale. Twitter ka vuajtur disi nga ky problem, pasi e ndaloi programin e verifikimit në 2017 dhe e rilançoi atë gjatë këtij viti. Ky rilançim nuk ka qenë tepër korrekt, pasi vetë kompania ka deklaruar se ka verifikuar gabimisht një numër të vogël adresash fallco.
