Qualcomm prezanton disa proçesorë të rinj midrange 5G

Ditën e sotme Qualcomm prezantoi disa proçesorë të rinj Snapdragon që do të përdoren në smartphone-t midrange ose entry-level: Snapdragon 778 Plus, 695, 580 dhe 480 Plus.

Proçesori më i rëndësishëm është Snapdragon 695, i cili do të zëvëndësojë linjën Snapdragon 690. Ndryshe nga modeli i vjetër, Snapdragon 695 do të suportojë versionet mmWave dhe sub-6GHz të 5G, që do të ndihmojë në shpejtësinë e internetit dhe në smartphone-t midrange. Kjo linjë vjen dhe me një rritje të konsiderueshme në performancë, pasi Qualcomm premton graphics rendering 30% më të shpejta krahasuar me linjën 690.

Pak më i diskutueshëm është shtimi i linjës Snapdragon 680, i cili është një proçesor vetëm LTE që përdor të njejtin proçes 6mm si në 695. Ai është i dizenjuar në mënyrë të veçantë për kompanitë që kërkojnë të prodhojnë smartphone me shpejtësi 4G.

2 proçesorët e tjerë janë versione të rifreskuara të modeleve ekzistuese. Snapdragon 778G Plus dhe 480 Plus janë versione të përmirësuara të modeleve standarde 778G, dhe 480. Në të dyja modelet premtohet një përmirësim në performancë, dhe pse këto përmirësime nuk janë shumë të mëdha.

Këto proçesorë pritet të lançohen gjatë tremujorit të katërt të këtij viti, me partnerë si HMD, Motorola, Oppo, Vivo dhe Xiaomi që kanë shprehur haptazi interesin në proçesorët e rinj.