Seriali mjaft i njohur Squid Game përmban skena të cilat nuk janë të përshtatshme për fëmijët, dhe pse lojërat që luhen në të janë të inspiruara nga lojërat për fëmijë. Tashmë një shkollë në Belgjikë po raporton se fëmijët kanë filluar të imitojnë serialin në jetën reale.
Studentët në shkollën Erquelinnes Beguinage Hainaut me sa duket janë inspiruar nga seriali dhe kanë filluar të luajnë lojën e quajtur Red Light, Green Light. Mirëpo problemi qëndron në faktin se fëmijët po rrahin fëmijët e tjerë që humbin në këtë lojë.
“Ne duhet të jemi vigjilentë gjatë gjithë kohës për të ndaluar luajtjen e këtyre lojërave të rrezikshme.” tha një zëdhënës i shkollës në faqjen e Facebook. Në postim tregohej se fëmijët mund të luajnë këtë lojë për sa kohë ato nuk dëmtojnë fizikisht personat që humbin.
Në Squid Game loja Red Light, Green Light është loja e parë në të cilën pjesëmarrësit përfshihen. Ato po shpresojnë që të fitojnë një shumë të madhe parash, deri në momentin që zbulojnë se kukulla gjigande robotike i vret personat që humbasin lojën.
Në rrjetet sociale po qarkullojnë shumë meme që lidhen me lojërat, dhe me sa duket zgjedhja e parë që njerëzve u vjen ndër mend për kostumin e Halloween, është kostumi i kuq që vishej nga rojet ose kostumi me numra i pjesëmarrësve në lojëra.
