3 aplikacionet nën pronësinë e Facebook: WhatsApp, Facebook dhe Instagram nuk janë aktualisht në punë për shkak të një ndërprerjeje të madhe, e cila ka ndodhur që në orën 5 të pasdites. Gjithashtu dhe produkte të tjera të Facebook si Messenger dhe Workplace kanë ndaluar së funksionuari.
Në kohën që ky artikull po shkruhej nuk kishte ende një shkaktar të qartë të kësaj situate, e cila nuk dihet se sa do të zgjasë. Një ngjarje e tillë ka ndodhur dhe më parë gjatë këtij viti në muajt prill dhe qershor, të cilat ndaluan së funksionuari për shkak të një problemi në konfigurimin e internetit.
Aplikacionet e tjera “rivale” me Facebook si Twitter, YouTube, TikTok apo Reddit po shijojnë një vëmendje totale të përdoruesve të tyre, të cilët tashmë po presin me padurim që të rikthehen në punë shërbimet e aplikacioneve nën pronësinë e Facebook.
hello literally everyone
— Twitter (@Twitter) October 4, 2021
“Ndërprerjet po rriten në volum dhe shpesh herë mund të rrisin sulmet kibernetike, pasi ju nuk do të jeni në gjendje të dalloni diferencën midis gjendjes aktuale dhe problemeve të shkaktuara nga sulmi i hakerave.” thotë një ekspert i sigurisë.
Lajmi i vetëm që kemi deri më tani nga WhatsApp është përmes një tweet-i ku lajmëruan se janë në dijeni të situatës aktuale dhe se po punojnë menjëherë për t’i rikthyer funksionalitetin aplikacioneve të tyre.
We’re aware that some people are experiencing issues with WhatsApp at the moment. We’re working to get things back to normal and will send an update here as soon as possible.
Thanks for your patience!
— WhatsApp (@WhatsApp) October 4, 2021
