Edicioni i vitit 2021 të The Game Awards, evenimentit të përvitshëm që është ekuivalenti i Oscars por për video lojërat, do të organizohet në datën 9 dhjetor. Ky show do të zhvillohet në Microsoft Theater në Los Angeles dhe kësaj here, ndryshe nga viti i kaluar, do të ketë audiencë të pranishme.
Geoff Keighley do të prezantojë eventin që do të transmetohet live në më tepër se 40 platforma të ndryshme, pra ju do të keni mundësinë ta ndiqni atë nga shtëpia juaj. Organizuesit premtojnë se gjatë eventit do të ketë dhe “përmbajtje të luajtshme nga video lojërat falas si pjesë e një eksperience gjithëpërfshirëse dixhitale”.
Njësoj si në vitet e kaluara, The Game Awards do të përfshijë dhe premierat botërore bashkë me prezantimet e lojërave të reja. Gjatë 2020 pati lajme të shumëta që u bënë virale në botën e video lojërave, si përshembull përfshirja e Master Chef në Fortnite dhe Sephiroth në Super Smash Bros. Ultimate. Nuk ka ende detaje të prezantimeve që priten të transmetohen gjatë këtij evenimenti, por bazuar nga eksperienca e vitit të kaluar mund të themi se mund të shfaqen disa surpriza gjatë eventit.
