Në internet kanë qarkulluar shumë zëra që flisnin për përfshirjen e Google në tregun e smartphone-ve të palosshëm. Tashmë këto zëra janë përforcuar pasi David Naranjo publikoi në Twitter një datë të supozuar për lançimin e Google Pixel Fold në tremujorin e katërt të 2021, e cila do të përdorë një ekran LTPO OLED.
With the announcement of iPhone 13 Pro and iPhone 13 Pro Max having a variable refresh rate up to 120Hz marks 20 models that are current and rumored that use LTPO OLED panels from SDC. pic.twitter.com/5wlbsl2HF1
— David Naranjo (@DSCCDave) September 16, 2021
Në 18 tetor Google do të organizojë një event ku do të prezantohet seria e Pixel 6, mirëpo deri më tani nuk ka asnjë lajmërim apo specifika rreth Pixel Fold. Për sa kohë data e prezantimit gjendet në tremujorin e katërt, mund të themi se në datën 18 përveç Pixel 6 mund të prezantohet dhe pajisja e palosshme. Gjithashtu nuk përjashtohet mundësia që Google të organizoj një event të veçantë për prezantimin e Pixel Fold, për sa kohë kjo do të jetë gjenerata e parë e pajisjeve të palosshme nga Google.
Më herët gjatë kësaj jave ne gjetëm një listë të bërë leak ku gjenden të gjithë smartphone-t e papublikuar të Google ku vihet re modeli GPQ72 meemrin e koduar “Passport” që mendohet se i përket smartphone-it të palosshëm. Aktualisht ka shumë pak informacione mbi këtë pajisje, por në një aplikim për patentim të mëparshëm nga Google tregohej se kompania po mendon të përdorë një kamera nën ekran në Pixel Fold.
