Vivo prezantoi serinë X70 ditën e sotme në Kinë, e cila përbëhet nga 3 smartphone: Vivo X70, Vivo X70 Pro dhe Vivo X70 Pro+. Dy pajisjet e para janë shumë të ngjashme dhe ndryshimi kryesor midis tyre është numri i kamerave në pjesën e pasme.
Vivo X70 dhe X70 Pro vijnë me një ekran 6.56 inç AMOLED me refresh rate 120Hz, që gjendej dhe pajisjet paraardhëse X60 dhe X60 Pro. Proçesori që fuqizon Vivo X70 do të jetë Dimensity 1200 nga Mediatek, ndërkohë që në X70 Pro gjendet proçesori i Samsung, Exynos 1080.
Përmirësimet më të mira këtë vit gjenden në sektorin e kamerave, të krijuara në bashkëpunim me kompaninë e mirënjohur ZEISS.
Vivo X70 ka tre kamera në pjesën e pasme: kamerën kryesore 40MP, atë ultrawide 12MP dhe atë telephoto me zmadhim optik 2x prej 12MP. Dhe pse këto numra mund të duken më pak të vogla se Vivo X60, ndryshimi kryesor gjendet në sensorët e rinj të përdorur të cilët premtojnë kualitet të përmirësuar të fotografive.
Vivo X70 Pro ka një kamera kryesore 50MP, kamera ultrawide dhe telephoto 12MP dhe një kamera të katërt periscope me aftësi zmadhimi optik 5x.
Një tjetër përmirësim gjendet dhe në sektorin e baterisë, ku X70 dhe X70 Pro vijnë me teknologjinë 44W fast charging për bateritë me kapacitet 4,400mAh dhe 4,500mAh respektivisht.
Ngjyrat në të cilat do të vijnë këto dy smartphone do të jenë White, Black dhe Nebula Gradient.
