Disa studiues në Newcastle University, UK Centre for Ecology and Hydrology dhe UK Charity Butterfly Conservation zbuluan se dritat e rrugës LED prodhojnë më tepër ndotje dhe po kontribuojnë në vrasjen e insekteve.
Dhe pse kjo teknologji në llamba reklamohet si më efiçiente dhe miqësore me mjedisin, llambat LED janë më të dëmshme për popullatën e insekteve në krahasim me llambat klasike të verdha që ato po zëvëndësojnë.
Insektet mund të vriten nga rënia në kontakt me dritën e nxehtë, gjë që i pengon ato gjithashtu të shtrojnë vezë. Një tjetër problem është ekspozimi i tyre. Për shkak se ndriçimi është rritur, ato janë bërë më të ekspozuar ndaj sulmeve nga kafshët e tjera.
Popullata më e rrezikuar ishte flutura e natës, popullsia e së cilës mësohet të jetë përgjysmuar për shkak të përdorimit të kësaj teknologjie.
Drejtuesi i studimeve, Douglas Boyes shpenzoi më tepër se 400 orë duke marrë mostra larvash në 55 vende të ndriçuara mirë gjatë 3 viteve të fundit. “Zbulimet e bëra nga ky studim mbi zhvillimin dhe ushqimin e insekteve ishin më të theksuara nën ndriçimin e dritave LED se sa në ndriçimin e zakonshëm me drita të verdha. Përdorimi i dritave LED me shumë mundësi do të rrisë impaktet negative të ndotjes së ndriçimit tek insektet. Kjo gjë pritet të prekë më shumë popullatën e fluturave të natës, iriqave dhe zogjve.” tha ai.
Zgjidhja e këtij problemi sipas Boyes është ulja e emëtimeve të dritës blu të prodhuar nga llambat LED.
