Microsoft prezanton Windows 11, me një dizajn të ri, menu Start të re dhe shumë të tjera

Më në fund erdhi konfirmimi zyrtar nga Microsoft për praninë e Windows 11, pas publikimit të screenshots që bënë xhiron e internetit.

Fokusi kryesor për Windows 11 është thjeshtimi i ndërfaqjes së përdoruesit, ofrimi i një Windows Store të përmirësuar si dhe shërbime të reja që ndihmojnë performancën dhe multitasking.

Gjëja e parë që vihet re në Windows 11 është vendosja e ikonës së Windows në qendër të taskbarit. User interface është shumë e ngjashme me atë të versionit Windows 10X, i cili u anulua vetëm pak kohë më parë. Në menunë e re Start nuk gjenden më Live Tiles, që u prezantuan për herë të parë në Windows 8. Tashmë aty do të shfaqen aplikacione, dokumentet e hapura kohët e fundit bashkë me tabelën e kërkimit. Me sa duket kjo pamje e re mund të jetë influencuar sadopak nga macOS dhe Chrome OS.

Një tjetër risi janë Snap Layouts, që do të lejojnë përdoruesin të zhvendosë dritaret e hapura në vende të ndryshme në ekran, duke bërë më të thjeshtë multitasking. Tashmë updates të reja në Windows janë 40% më të vogëla dhe më tepër eficiente pasi do të ndodhin në background.

Surpriza e këtij eventi ishte mundësia e aksesimit të aplikacioneve të Android në Windows 11 përmes Amazon Appstore. Aplikacionet do të happen drejtpërdrejtë në këtë OS pa ndihmën e android emulator si “Bluestacks”, mjafton që ato të shkarkohen përmes Amazon Appstore. Nuk është ende e ditur se sa nga kompjuterët ekzistues do të përfitojnë nga ky shërbim, por besohet se të gjitha pajisjet që përfshijnë teknologjinë Intel Bridge do të kenë mundësinë të shkarkojnë aplikacionet për Android. Nga ana tjetër, Xbox Game Pass do të jetë e integruar brenda Windwos 11, falë aplikacionit të ri që kompania ka testuar prej disa muajsh.

Lajmi më kryesor nga të gjithë është se Windows 11 do të vijë si një upgrade falas për të gjithë përdoruesit e versionit të mëparshëm, Windows 10. Mjafton vetëm të siguroheni që kompjuteri juaj të ketë një CPU 64-bit, 4 GB RAM dhe 64 GB internal storage. Data se kur Windows 11 do të fillojë t’i shfaqet përdoruesve si një update është ende jo e ditur.