Nëse ju jeni një përdorues i iPhone që përdor shumë syzet e diellit gjatë verës, sapo shpëtuat nga një hall i madh.
A ju ka ndodhur shpesh herë që Face ID në smartphone-in tuaj të mos punojë aq mirë kur ju keni vënë syze dielli? Kjo ndodh sepse normalisht iPhone juaj tenton të kuptojë nëse ju po shikoni drejtpërdrejtë në ekran apo thjesht po shikoni përreth, pasi pajisja juaj do të bëhet unlock vetëm në momentin kur ju po shikoni në ekran.
Mirëpo në momentin kur ju keni vënë syzet e diellit, Face ID e ka tepër të vështirë të “shikojë” sytë tuaj. Ky shërbim është i aktivizuar në iPhone për të parandaluar hapjen aksidentale të pajisjes tuaj, por shpesh herë mund të jetë jo praktike për personat që përdorin syze dielli.
Megjithatë Apple ofron mundësinë që ju ta çaktivizoni këtë shërbim. Si fillim, hapni aplikacionin Settings, kërkoni për Accessibility dhe më pas futuni në kategorinë Face ID & Attention.
Për të çaktivizuar këtë shërbim, mjafton të fikni Require Attention for Face ID. Pasi të keni klikuar, juve do t’ju shfaqet një pop-up që shpjegon se “Face ID do të hapë iPhone-in dhe kur sytë tuaj të mos jenë plotësisht të hapur ose të papërqëndruar në ekran”.
Sapo të aktivizoni këtë shërbim do të vini re se hapja e pajisjes tuaj, ndërkohë që keni vënë syzet e diellit, do të jetë mjaft e thjeshtë.
