FBI po mundohet të gjenerojë një listë me IP address dhe numrat e telefonit të personave që lexuan një artikull në USA Today rreth vdekjes së dy agjentëve të saj. Ky informacion po kërkohet vetëm për lexuesit që hapën artikullin brenda 35 minutash që nga postimi i tij, pasi mund t’i përkasë një investigimi kriminal, por është ende e paqartë se cili është qëllimi i byrosë.
Ky artikull është publikuar në 2 shkurt 2021 dhe fliste rreth një shkëmbimi zjarri që ndodhi në momentin kur agjentët e FBI tentuan të ekzekutonin një urdhër kërkimi, e cila rezultoi në vrasjen e dy agjentëve specialë të FBI. Në kërkesën e përgatitur nga një tjetër agjent kërkohet aksesimi i një informacioni mjaft të madh rreth pajisjeve që aksesuan artikullin nga ora 19:03 dheri në 19:38 në ditën e publikimit.
USA Today, mjaft e irrituar nga ky lajm, tregon në proçesin gjyqësor se kjo kërkesë shkel amendamentin e parë, duke cituar gjykime të mëparshme të ngjashme me rastin në fjalë. “Pavarësisht këtyre tentativave, ne asnjëherë nuk morëm një përgjigjje me kuptim rreth kësaj kërkese. Ne do të luftojmë kërkesat e FBI për identifikimin e personave që kanë parë artikullin në USA Today, pasi kjo është një shkelje e qartë e amendamentit të parë.” tha Perez Wadsworth.
Ajo shtoi se kërkoi nga gjykata mbrojtjen e marrëdhënies midis USA Today dhe lexuesve të saj.
