Roveri Perseverance i NASA është i pajisur me sistemin Mars Environmental Dynamic Analyzer (MEDA), i cili grumbullon të dhëna rreth temperaturës së ajrit dhe sipërfaqjes, lagështisë relative, radiacionit, shtypjes dhe shpejtësisë dhe drejtimit të erës.
MEDA regjistroi të dhënat e para në 19 shkurt, ku temperatura në sipërfaqje ishte -20 gradë Celsius, të cilat shkuan në -25.6 gradë pas 30 minutash. Që nga ajo kohë roveri ka vazhduar grumbullimin e rregullt të të dhënave, ku temperatura më e ulët e regjistruar është -83 gradë Celsius me erë që fryn me shpejtësi 10 metër për sekond.
Moti do të jetë mjaft i rëndësishëm për helikopterin eksperimental Ingenuity. Rotorcraft-i duhet të mbajë veten të ngrohtë në ajrin mjaft të ftohtë të Marsit, dhe era përbën një rrezik të madh për stabilitetin e saj.
“Përgjatë vitit të ardhshëm MEDA do të ketë grumbulluar informacion të rëndësishëm rreth cikleve të temperaturës, fluksit të nxehtësisë, cikleve të pluhurit, si copëzat e pluhurit ndërveprojnë me dritën dhe si ndikojnë në temperaturën dhe motin.” tha NASA. Këto të dhëna do të bëjnë të mundur planifikimin e një misioni të ardhshëm që përfshin makineri dhe njerëz.
Fansat e Marsit mund të krahasojnë motin midis kraterit Gale dhe Elysium Planitia në faqet respektive.
