Drejtuesi i Serum Institute of India Ltd. që është prodhuesi më i madh i vaksinave në botë, sapo ka marrë me qera një rezidencë që kushton $69,000 në javë, një rekord për zonën e Mayfair, sipas dy personave që janë në dijeni të këtij transaksioni.
CEO Adar Poonawalla ka refuzuar t’i përgjigjej pyetjeve të gazetarëve rreth rezidencës 2,300 metër katror, hapësirë ekuivalente me 24 shtëpi mesatare angleze. Kompania që Poonawalla drejton për momentin po prodhon miliona doza të vaksinës AstraZeneca.
Vetë Adar e konsideron Britaninë si “shtëpinë e dytë” sipas një interviste që ka dhënë për Bloomberg News në 2016, për shkak se ai në këtë vend përfundoi studimet në University of Westminister, Londër. Ai është pjesë e një prej familjeve më të pasura në botë, me një pasuri prej $15 miliardë, ku pjesa më e madhe erdhi nga biznesi i vaksinave.
Drejtori i Clivedale London shpjegon se në Britani personat që janë pronarë të më shumë se 1 shtëpie duhet të paguajnë taksa shumë të larta, gjë e cila frenon disi blerësit e huaj. Ato mendojnë se do të ishte më mirë në qoftë se do të paguanin qeranë për aq kohë sa do të qëndrojnë.
