Square Enix sapo njoftoi se një expansion pack i ri po vjen për lojën Marvel’s Avengers i fokusuar në Black Panther. War for Wakanda pritet të prezantohet më vonë gjatë këtij viti dhe do të shtojë si personazh King of Wakanda bashkë me historinë e prezantimit të “mbretërisë” afrikane.
E zhvilluar nga Crystal Dynamics, Marvel’s Avengers është një lojë që lejon fansat të bëhen heronjtë më të mëdhenj në Tokë. Për fat të keq loja u prit me review të miksuara, me kritika drejt historisë dhe personazheve, duke rezultuar në një humbje prej $63 milionë gjatë vitit të kaluar. Megjithatë kjo lojë ka marrë update të shpeshta për mbështetur gamersat që e luajnë këtë lojë.
Prezantimi i expansion pack “War for Wakanda” u bë në konferencën online të mbajtur në ditën e martë, gjatë së cilës u publikuan detaje nga Operation: Future Imperfect, shtesa e dytë në historinë e Marvel’s Avengers. Në këtë operacion Hawkeye bashkë me qenin Lucky do të ndeshen me Maestro-n, një version futuristik i Hulk.
Çdo story expansion i lojës vjen gjithashtu me përmbajtje të reja për sulmet në lojë, me nivele dhe Bosses të rinj. Shtimi i Hawkeye rriti kufirin e nivelit, duke i dhënë gamers-ave një arsye për të luajtur me personazhet e paraqitur, por për “War for Wakanda” akoma nuk kemi informacion rreth të rejave që do të vijnë.
