Instagram po prezanton disa politika të reja që limitojnë bashkëveprimet midis adoleshentëve dhe të rriturve duke e bërë platformën më të sigurt për përdoruesit e rinj. Aplikacioni ndalon të rriturit të komunikojnë nëpërmjet Direct Messaging me adoleshentë të cilët nuk i ndjekin. Gjithashtu po prezantohet “Safety prompts” që do t’i paraqitet adoleshentëve kur ato komunikojnë me të rritur që kanë shfaqur “sjellje të dyshimta”.
Safety prompts i jep mundësinë të rinjve të raportojnë ose t’i bllokojnë ato. Ky prompt do të rikujtojë këta përdorues të mos ndihen nën presion për të shkëmbyer mesazhe me të rritur që nuk i njohin mirë.
Instagram po zhvillon një teknologji AI që do të zbulojë moshën e vërtetë të një përdoruesi, pasi është shumë e thjeshtë ta falsifikosh atë. Platforma thotë se kërkon t’i japë fund këtij problem por nuk tregon detaje rreth mënyrës se si ky shërbim do të arrijë të funksionojë.
Adoleshentët që regjistrohen për herë të parë në Instagram do të inkurajohen që të mbajnë privat profilin e tyre, duke i ofruar më shumë siguri.
