Kompania e njohur Sony po eksploron një teknologji e cila synon të zëvëndësojë controllers me banane. Ekipi e prezantoi këtë ide si një alternativë e controllers që janë teknikisht komplekse dhe shumë të shtrenjta. “Do të ishte shumë i pëlqyer fakti se një përdorues do të mund të përdorë një pajisje të thjeshtë jo-elektrike për të kontrolluar video games.”u shpreh kompania ndërkohë që e gjitha kjo u ilustrua me rastin e një bananeje.
“Banana controller” e Sony propozon një kamera e cila pasi njeh objektin në dorën e përdoruesit, ndjek lëvizjet që bëhen mbi të. Siç shpjegohet në aplikimin për patentimin e idesë, pasi kamera njeh objektin në dorë, ajo do të bëjë disa vlerësime në bazë të pixelave,kontureve dhe ngjyrës. Në këtë mënyrë, loja mund të nxjerrë përfundime në bazë të pozicionit të “bananes” ndërkohë që lëviz në hapësirë.
Ky propozim nga ana e Sony shihet si një hap përtej controller-it të tanishëm “Move” që përfshin një burim drite për ndjekjen nga kamera. Ekipi e kupton se këto controller nuk mund të jenë lehtësisht të aksesueshme nga të gjithë pasi janë teknikisht shumë komplekse.
