WhatsApp ka një plan të ri rreth shpjegimit të politikave të privatësisë, pasi përdoruesit u alarmuan kur morën vesh se platforma do të shpërndante mesazhet me kompaninë Facebook.
Politika e re e privatësisë shpjegon se shumica e mesazheve janë end-to-end encrypted, pra mund të aksesohet vetëm nga njerëzit që po flasin. Mirëpo WhatsApp të lejon t’i dërgosh mesazh dhe bizneseve dhe këto mesazhe nuk kanë të njejtën mbrojtje. Të dhënat në mesazhet e biznesit mund të përdoren për qëllime reklamimi në Facebook dhe disa nga ato janë të regjistruara në serverat e kompanisë. Kjo politikë tentoi të shpjegonte këtë ndryshim, por shumë përdorues e interpretuan sikur WhatsApp po cënonte privatësinë.
Tani WhatsApp planifikon që t’i ofrojë përdoruesve aftësinë për të rishikuar politikat e privatësisë brenda aplikacionit, pas informimit nëpërmjet shërbimit WhatsApp Status. Gjithashtu kjo kompani tregon se bizneset paguajnë WhatsApp për të drejtën e komunikimit me klientët, dhe kjo është një nga mënyrat që mundëson përdorjen falas nga përdoruesit e thjeshtë.
WhatsApp nuk arriti të shpjegonte saktësisht përdoruesit për atë që do të ndryshonte dhe vuajti pasojat e saj. Gjatë kësaj periudhe shumë përdorues iu drejtuan programeve të tjera si Telegram dhe Signal si zëvëndësues të WhatsApp.
