Duke përdorur më pak energji për të kryer të njetat punë, ne mund të bëjmë kursime domethënëse dhe të ulim shpërdorimin. Ky është principi bazë i efiçiencës energjike dhe një nga mënyrat më të mira për t’u shkëputur nga lëndët djegëse fosile dhe për të arritur eleminimin e karbonit deri në 2050.
Etiketa e energjisë e Bashkimit Evropian është një histori suksesi në efiçiencën energjike të produkteve elektrike të përditshme si frigoriferët, ngrirësit, lavatriçet dhe televizorët. Që nga fillimet në 1994, këto etiketa kanë ndihmuar përdoruesit të zgjedhin produktin që përdor më pak energji. Etiketa e energjisë njihet nga 93% e përdoruesit dhe 79% e tyre e konsiderojnë kur do të bëjnë blerje sipas Special Eurobarometer 492.
Në kohët e fundit po shohim gjithnjë e më shumë produkte të markuara në kategorinë A+, A++ ose A+++. Për këtë arsye BE vendosi të ndryshojë emërtimin në sistemin e renditjes. Ky sistem do të përdorë shkronjat nga A në G. Produktet që për momentin janë të klasifikuar me etiketën A+++ mund të ndryshohen në kategorinë C, ose produktet A++ do të ndryshohen në kategorinë E, dhe pse këto produkte do të përdorin të njëjtën energji si më parë. Komisioni Evropian u shpreh se etiketat e reja të energjisë do të fillojnë përdorimin në mars të vitit 2021.
Çfarë do të ndryshojë dhe si ta lexojmë etiketën e re
– Etiketat e reja do të kenë një renditje nga A në G
– Etiketa do të jetë zyrtare në 24 gjuhë brenda tregut të BE-së
– Duke skanuar kodin QR në këndin e djathtë sipër, përdoruesit do të kenë akses në një informacion më të detajuar për produktin
– Etiketa e reja do të përfshijnë ikona të cilat tregojnë informacion si kapaciteti i produkti, dimensioned, niveli i zhurmës ose konsumimi i ujit
