Këtë të martë Bitcoin arriti rekordin e ri të shkëmbimit prej $50,000, duke tërhequr vëmendjen e kompanive drejt cryptocurrencies.
Monedha më e madhe dixhitale mori një shtysë të madhe nga lajmi se kompanitë si Tesla dhe Mastercard po tregonin mbështetje kundrejt saj. Tesla tregoi se gjatë javës së kaluar se kishte blerë $1.5 milionë vlerë të Bitcoin dhe planifikon përdorimin e kësaj monedhe si pagesë për produktet e saj, ndërsa Mastercard tha se do të hapë rrjetin e saj për Bitcoin. PayPal dhe BNY Mellon gjithashtu bënë lëvizje të mëdha drejt suportimit të monedhës.
Këto zhvillime kanë bërë që shumë investitorët të Bitcoin të besojnë se situata është ndryshe nga viti 2017, ku Bitcoin arriti vlerat $20,000 para humbjes me rreth 80% të vlerës vitin pasardhës, dhe të besojnë akoma më shumë në të. “Në vitin 2017 gjithçka rreth Bitcoin ishte e bazuar në spekulime, por sot ajo po mbështetet nga investitorët institucional” thojnë mbështetësit e Bitcoin.
Michael Saylor, CEO i MicroStrategy, në një intervistë për CNBC tha “Mendoj se trendi i rritjes së cryptos Bitcoin do të vazhdojë dhe në 2021.”.
Çmimi i aksioneve të MicroStrategy është rritur rreth 7 herë që nga momenti i blerjes në gusht. Ka pasur spekulime se kjo kompani inspiroi Tesla-n për blerjen e Bitcoin pas shkëmbimeve në Twitter rreth kryerjes së transaksioneve të mëdha më monedhën crypto me Elon Musk.
Megjithatë, skeptikët nuk janë të bindur dhe e shohin Bitcoin si një aset spekulativ. Deutsche Bank tha se investitorët e shikojnë monedhën si “flluskën” më ekstreme në tregun financiar.
