Një grup hakerësh ka pretenduar se ka “thyer” sistemet e brendshme të Nintendo, duke vjedhur të dhëna konfidenciale nga kompania japoneze. Edhe pse pretendimet ende nuk janë verifikuar, grupi publikoi një screenshot që tregon disa dosje që përmbajnë manuale, materiale zhvillimi, të dhëna administrative dhe asete të tjera të brendshme. Lajmi vjen pak kohë pas një tjetër sulmi të profilit të lartë, kur i njëjti grup hakerësh kishte depërtuar në depot GitHub të Red Hat.
Llogaria Hackmanac në platformën X, e cila ndjek sulmet kibernetike të konfirmuara, publikoi screenshot-in e postuar nga grupi, që shoqërohej me mesazhin ironik: “Kush tha se nuk kishim dosje për Nintendo-n?”. Deri tani, kompania nuk ka dhënë asnjë koment zyrtar dhe mbetet e paqartë nëse të dhënat e klientëve janë komprometuar.
🚨Cyber Alert ‼️
— Hackmanac (@H4ckmanac) October 11, 2025
🇯🇵 Japan – Nintendo
Crimson Collective hacking group, known for the breach on Red Hat, now claims to have breached Nintendo.
Discover more at https://t.co/kJbN062Yq3 pic.twitter.com/ip8qkhrWuS
Incidenti ndodh në një periudhë me rritje të sulmeve kibernetike ndaj kompanive të mëdha teknologjike. Vetëm një javë më parë, Discord njoftoi përdoruesit se një sistem i palës së tretë që përdorej për mbështetjen e klientëve ishte hakuar, duke ekspozuar disa të dhëna personale, përfshirë edhe dokumente identifikimi qeveritarë.
Në mungesë të konfirmimeve nga Nintendo, ekspertët e sigurisë paralajmërojnë që ngjarja mund të jetë pjesë e një vale të re sulmesh që synojnë platformat e mëdha teknologjike, duke vënë në rrezik jo vetëm sekretet korporative, por edhe sigurinë e përdoruesve.
