Gati 11 muaj pandemi na detyruan që të ndryshojmë plotësisht konceptin që kemi për zyrën dhe vendin e punës. Më shumë se kurrë na u desh ndihma e teknologjisë për të çuar detyrat deri në fund por duke qëndruar edhe të shëndetshëm ndërkohë. Dhe me teknologji duam të themi gamën e gjerë të aplikacioneve që na u deshën për të qëndruar në kontakt me kolegët.
Microsoft, një kompani largpamëse e cila ka deklaruar se do të tkurrë numrin e dyqaneve dhe zyrave të veta, duke preferuar që punonjësit e vetë të shërbejnë edhe nga shtëpia, ka një alternativë. Ajo quhet Vivo dhe pretendon të mbedhë gjithë aplikacionet që kemi përdorur për punë në një.
Më shumë sesa një rrjet social, Vivo do të jetë një platformë e dedikuar për biznesin dhe mbajtjen lidhur të kompanive me skuadrat e veta. Ajo inkorporohet me Microsoft Teams dhe kërkon të mbledhë të gjitha shërbimet e komunikimit të brendshëm të një kompanie në një vend.
Viva do të mbështetet në 4 module, komunikimi, statistika, temat dhe mësimi.
E para siç qartësohet edhe nga emri do të garantojë video dhe tekst komunikimin mes kolegëve por edhe shpërndarjen e materialeve nëpërmjet Microsoft Office.
Statistika do të ketë të bëjë me rendimentin dhe trajektoret e punës të punonjësve, por Microsoft garanton se do të ruajë privatësinë duke hequr emrin nga shifrat, për t’u dhënë menaxherëve vetëm të shifra të përgjithshme, dhe jo detaje individuale.
Temat do të mbulojnë pjesën e njohurive të përbashkëta, të hedhura në të, sa herë që dikush do të kërkojë një fjalë kyçe, AI do të shfaqë dokumentat dhe diskutimet rreth saj.
E në fund një vend të dedikuar do të ketë edhe aftësia për të bërë kurse e trajnime qoftë individuale qoftë në kolektiv.
Vivo ka filluar disponibilitetin e pjesshëm që këtë javë.
