Aftësia për të modifikuar pamjen e sistemit operativ nëpërmjet Themes ka qenë gjithnjë një ndër pikat më tërheqëse të Android. Dhe duket se gjenerata e 12 do të jetë edhe më bujare.
Kësaj radhe përdoruesi do të mund të zgjedhë edhe ngjyrat e sistemit, të cilat do të palikohen tek menutë, aplikacionet e veta por edhe ato nga palët e treta nëse zhvilluesi do ta lejojë. Sipas një raporti thuhet se do të jepet mundësia për të zgjedhur një kryesore dhe një tjetër për theks.
Punën më të madhe do ta bëjnë prodhuesit e smartphonëve të cilët shtojnë pamjen e tyre mbi sistem, nuk do të mundet përdoruesi të sjellë skemën e vetë të dëshiruar por do të kenë një sërë opsionesh.
Kjo sigurisht që i shton edhe më shumë shije dashurisë së përdoruesve Android për modifikime por nga ana tjetër është një ndihmë shumë e mirë për këdo që ka probleme me shikimin. Duke ofruar që dikush i cili nuk bën dot mirë dallimin midis disa ngjyrave të ketë mundësi të zgjedhë. Modaliteti Dark apo Light ndihmojnë por përse të mos kemi më shumë alternativa.
Nuk dihet nëse do e shohim konkretisht në Android 12, tek e fundit është herët për të folur por sidoqoftë le të fillojmë spekulimet.
