Paratë e kursyera nga shpenzimt e shkollës i përdori për të blerë laptopin e parë, ku do të modifikonte videon e tij të parë review të një telekomande. Sot ai është ndër krijuesit më të fuqishëm të YouTube.
Marques Brownlee është ndoshta influenceri më i madh i botës së teknologjisë së përdoruesit, sa herë e ke menduar të blesh një smartphone, një video të tijën e ke parë me shumë mundësi.
Ai ka sot 13 milion abonentë, kompanitë e smartphonëve e kanë pikë reference dhe ka intervistuar njerëz të rëndësishëm si Elon Musk, Bill Gates dhe Mark Zuckerberg.
Gjatë një interviste për The Verge, Brownlee ka folur për mënyrën si ai bën para nga YouTube. Si çdo krijues tjetër i botës moderne ai ka disa burime të ardhurash, por me platformën e videove ka vetëm tre mënyra si krijon të ardhura minetare.
AdSense
Programi i Google për të futur reklamat e veta në videot e tij është mënyra kryesore. Për t’u bërë pjesë e tij duhet të kesh të paktën 1000 abonentë dhe 4000 orë shikime. Fitimi nga reklamat varion nga shumë faktorë si; kohëzgjatja, lloji i kontentit, vendndodhja e shikuesit etj. YouTube mban 45% të këtyre të ardhurave, kusurin e ka krijuesi.
Sponsorizimet
Më parë Brownlee detyrohej të negocionte çdo kontratë, ndërsa tani ai ka firmosur me agjensinë WME, dhe ajo bën punën më të madhe. Agjensia merr pjesën e saj ama reviewer-it tonë të preferuar nuk i duhet më të shohë çdo kontratë, ai thjesht gjen mënyrën e inkorporimit të saj në kontentin e vetë.
Mallra të firmës
MKBHD është tashmë një firmë e regjistruar, duke bashkëpunuar me platforma të cilat vënë logon e tij në bluza, gota apo veshje ai përfiton edhe nga shitja e tyre. Baza e fansave të tij është goxha e madhe ndaj edhe kjo formë financimi krijon goxha likuiditet. Tek e fundit sharmi i tij në servirjen e informacionit na ka shërbyer të gjithëve.
