Ok, sapo ka filluar. Lufta e radhës mes smartphone-prodhuesve është ekranet e rrotullueshëm.
Ai që i bashkohet fushës është gjigandi LG me një produkt në dukje shumë tërheqës i cili arrin të ndryshojë përmasat e ekranit duke hyrë e dalë në trupin e vetë, në një mënyrë shumë të lëmuar. Ai quhet LG Rollable dhe është pjesë e eksperimenteve të “Explorer Projects” e cila na dha Wing.
Rollable është shfaqur pjesërisht edhe disa herë të tjera, por kësaj radhe falë CES 2021 kemi një pamje të plotë të tij. Por për fat të keq asgjë më tepër, nuk dihet teknologjia e përdorur prapa mekanizmit, cilësia e ekranit e lëre më detajet klasike të një smartphoni. Dihet vetëm që ai mund të kthehet nga një smartphone normal në një tablet të vogël. Topi në fushën tënde tani, Samsung.
Padyshim që kjo nuk na garanton se do e shohim ndonjëherë në vitrinë, por na tregon qartë se ku është duke vënë bast LG. Le të mos harrojmë që LG është nga të paktat kompani të vjetra jashtë dyshes Apple, Samsung që jo vetëm mbijeton por vërtetë sjell një sfidë në tavolinë. Smartphonët me ekrane me rrotullim janë një realitet fare i afërt, duke parë Oppo dhe TCL me alternativat e tyre që tani është thjesht çështje kohe.
