Fushata e Epic Games për të dhënë lojra falas vazhdon dhe vazhdon fuqishëm madje. Duke u nisur nga interesi i lartë drejt videolojrave gjatë karantinës, Epic nisi të jepte çdo javë një lojë falas. Titulli fillues ishte GTA V dhe suksesi ishte kaq i lartë sa serverat e platformës ranë disa herë.
Nisma kulminoi gjatë festave të fundvitit, ku dy javët e fundit Epic dhuronte nga një lojë për çdo ditë.
Praktikisht lojtarët duhet të kenë një llogari në platformë, t’a shkarkojnë lojën brenda afatit të kufizuar dhe mund t’a kenë atë në librarinë e tyre digjitale për sa kohë të duan. Kjo u ka lejuar shumë gamerave të zgjerojnë katalogun e tyre me lojra premium duke kursyer goxha.
Loja e radhës është një sukses i 2017, Star Wars: Battlefront II.
Ajo do të jetë e disponueshme për t’u shkarkuar javën e ardhshme nga data 14 deri në 21 janar, duke ofruar kështu një dritare kohe goxha të gjerë.
Në daljen e saj të parë Star Wars: The Last Jedi, Battlefront II u kritikua nga fansat pasi ishte plot me mikrotransaksione, blerje sendesh digjitale, diçka fort e zakonshme në atë kohë në lojrat multi-player të këtij lloji. Sidoqoftë me kalimin e kohës, me përditësimet e reja dhe zgjerimet e karaktereve ajo është sot një eksperiencë legjitime Star Wars. Pavarsisht se u bënë gati tre vjet që ka dalë në treg fansat gjithandej vazhdojnë t’a luajnë sidomos pas modeve të reja stilizuar pas The Mandalorian.
