Faqja kryesore e Google Search u bë vite që përdoret mes shumë gjërave edhe për të festuar apo adresuar momente të rëndësishme të vitit. Kujtojmë këtu gëzimin që ndjemë të gjithë kur ikona e platformës mori stilizimin e flamurit Shqiptar, për të përshëndetur 100 vjetorin e pavarsisë së shtetit tonë.
Megjithëse tradicionalisht ndryshimi i vetëm ka qenë ikona e vetë Google, për herë të parë homepage i motorrit gjigand të kërkimit do të fusë edhe një këngë në të. Kënga është një një produksion i Peter CottonTale, quhet “Together” dhe interpretohet nga Chance the Rapper, Cynthia Erivo dhe Kori i Fëmijëve të Çikagos.
Kënga do të qëndrojë në sfond ndërsa je duke bërë kërkimet e tua. Kjo do të jetë pjesë e fushatës së përvitshme “Year in Search 2020” me kërkimet që definuan vitin që sapo lamë pas. Fushata do të fillojë ditën e sotme, ndaj nëse dëshiron të rikujtosh gjithë tmerrin e ndoshta jo vetëm të këtij viti mjafton të shkosh në faqjen kryesore të Google.
