Për të gjithë ata që ndërhyrjet e Facebook në Instagram dhe WhatsApp nuk u pëlqejnë edhe aq, ndoshta ka shpresë sepse ekziston mundësia që të dyja aplikacionet të bëhen të pavarura. Dhe këtë e thotë ligji, Komisioni Federal i Tregtisë (FTC) është duke shqyrtuar bashkë me përfaqësuesit më të lartë juridik të 48 shteteve të U.S.A mundësinë për të zhbërë blerjen e të dyja platformave.
Situata aktuale dhe gishtat e ngritura ndaj kompanive të mëdha të teknologjisë për abuzim me pushtetin, ndryshe quajtur antitrust, është arsyeja pse kjo nismë e pazakontë po merret në konsideratë. Gjykata është ende kohë larg realizimit të vendimit por ama sidoqoftë këaj here është diçka që Facebook nuk e injoron dot. Që nga blerja e vitit 2012, Instagram ka përfituar shumë nga strumentat e FB, kjo e fundit i dha platformës mudësinë për të krijuar të ardhura pasi deri përpara saj ishte vetëm famë dhe asgjë më tepër, vendosja e produkteve dhe reklamës janë një ndër shumë. Por në të njëjtën kohë shumë do të thoshin se taktikat agresive të FB për të marrë përdorues edhe në faqen e vetë janë jo fort të këndshme. Rasti më i fundit është ai i përdorimit të Messenger për të dyja aplikacionet, çka ka sjellë më shumë opsione por njëkohësisht edhe një shkrirje që askush nuk e kërkoiZhbërja e një blerje nuk është diçka e rallë për tregun amerikan, nëse vendimi hyn në fuqi aplikacioneve do t’u duhet të funksionojnë në mënyrë të pavarur nga Facebook. Ende nuk është e qartë kur mund të kemi një vendim.
