Lajmi që një vaksinë parandaluese për Covid19 u aprovua nga një shtet perëndimor si Mbretëria e Bashkuar, është padyshim një moment i gëzueshëm pas kaq kohësh të vështira. Vaksina e Pfizer ka kaluar testet e nevojshme, garanton deri në 95% mbrojtje ndaj infektimit dhe duke filluar nga java tjetër 40 milion doza do të përdoren për të vaksinuar 20 milion banorë.
Megjithatë ky lajm është një dritë jeshile për shumë skema mashtrimi, sikur të mos mjaftonte ndjenja e frikës dhe pasigurisë por tani organizatat kriminale kanë një arsye më tepër për të shitur versione fallco të vaksinave andi Covid19.
Alarmin e ngre Interpoli, apeli i saj shkoi tek të gjitha agjensitë e drejtësisë ndër 194 shtetet antare. Ata paralajmërojnë se skema mashtrimi me vaksina të rreme do të vërshojnë fizikisht por edhe online.
Përveç fabrikimit të kurës false parashikohen edhe infiltrime kriminale për të manipuluar vijën e furnizimit, vjedhjen e tyre e deri tek joshja e civilëve. Organizatat kriminale parashikohet që të fillojnë shitje paralele me ato të konfirmuara, teksa një nga një të gjitha shtetet fillojnë të aprovojnë e të porosisin vaksinat. E për shkak të kërkesës së lartë, nevojiten rregulla e ligje të forta për të parandaluar katastrofa edhe më të renda se këto që dëshmuam këtë vit. Tek e fundit nuk janë PlayStation 5, kemi të bëjmë me jetë njerzish.
