Që Facebook mban shënim çdo klik tëndin në platformë kjo dihet prej fillimit. Që rrjeti social gjurmon edhe aktivitetin tënd jashtë platformës së vetë edhe kjo është mësuar së fundmi.
Por përveç Facebookut janë edhe vetë faqje specifike të cilat ndajnë informacione të tuat me të në mënyrë që reklamat e radhës të jenë më të sakta. Nëse bëre një blerje diku, ai dyqan online mundet të informojë FB dhe kjo e fundit më pas të shfaq një reklamë me ulje apo ndonjë ofertë tjetër.
E në tentativën e fundit për më shumë transparencë, kemi për herë të parë një strument menaxhues për kë dhe çfarë ndajnë faqet e tjera me Facebook.
Duke shtypur trekëndëshin në cepin e djathtë lart, zgjidh Settings. Nga aty zgjidh Your Facebook Information dhe më pas strumentin Off–Facebook Activity.
Do të shfaqet një listë me disa prej faqeve të cilat kanë ndarë informacion me FB. Për një listë të plotë trokit mbi Learn More.
Nga këtu mundesh të zgjedhësh secilën prej faqeve dhe të mësosh si i ka ndarë ajo informacionet me FB, të japësh qëndrimin tënd mbi këtë ose të ndalosh ndarjen e informacioneve të tjera.
